Latynǵa kóshý álem kásipkerlerimen etene aralasýǵa múmkindik beredi - Salyqova

TALDYQORǴAN. QazAqparat - Jetisýlyq kásipker, «Almaty boıaýlary» JShS dırektorlar keńesiniń jáne Almaty oblysynyń Іsker áıelder keńesiniń tóraıymy Rımma Salyqova latyn álipbıine kóshý jóninde pikirin bildirdi, dep habarlaıdy QazAqparat tilshisi.

«Latyn grafıkasy Qazaqstan halqyna tań emes. Aldyńǵy býyn atalar men apalar osy álipbıdi on jyl boıy qoldandy. Áli esimde, bizdiń balalyq shaqta latyn tańbasymen basylǵan kóne kitaptar kezdesip qalatyn. Qazaq tiliniń dybystaryn dál beretin tańbalar edi. Latyn álipbıine kóshý kezinde fonetıkalyq turǵyda qazaq tiliniń tabıǵaty saqtalady dep oılaımyn. Kırıll álipbıin 80 jylǵa jýyq qoldanyp júrsek te, keıbir dybystardyń ózgeriske ushyrap, tilimizge nuqsan kelgeni shyndyq. Bul pikir ǵalymdardyń aýzynan jıi aıtylyp júr», - deıdi kásipker.

Sondaı-aq, onyń pikirinshe latyn álipbıine kóshý arqyly ǵasyrlar boıy qalyptasqan qazaqtyń tarıhı dybystaryn qaıtarýǵa bolady.

«Latyn grafıkasy tek tildik turǵyda ǵana emes, kásipkerlik, medıtsına, ǵylym, saýda-sattyq, ekonomıka salasynda da tıimdi bolady dep esepteımin. Qazaqstan kásipkerleri sheteldiktermen jıi tájirıbe almasýy qajet. Latyn qarpi bizge álem kásipkerlerimen etene aralasýǵa mol múmkindik bermek», dedi R.Salyqova.