Latyn qarpine ótýde birizdilik, ortaq qaǵıda bolýy shart - professor
Ǵalymnyń aıtýynsha, búgingi kúnge deıin belgili ǵalymdardyń qatysýymen latyn álipbıiniń qoldanysqa engiziletin naqty nusqasy qurastyryldy. Endi onyń emle erejesin anyqtaý boıynsha jumystar júrgizilýde.
«Qazirgi kezde emle erejesin qurastyrý teorııalyq jaǵynan aıaqtaldy. Endi təjirıbede qoldaný ǵana qaldy. Sondyqtan, elimizdiń keleshegi úshin mańyzdy sharýa latyn jazýyna ótken kezde halyq bilýi, qulaqtandyrylýy tıis. Osy maqsatta óńirlerdi aralap, ózimiz usynyp otyrǵan emle erjeleriniń halyq úshin qanshalyqty yńǵaıly jəne tabıǵı ekenin biletin bolamyz. Bul bizge aldaǵy ýaqytta naqtyly bir sheshimge kelip, qorytyndy shyǵarýǵa kómektesedi», - deıdi Ǵarıfolla Esim.
Sonymen qatar, ol latyn ǵarpine ótýde asyǵystyq tanytpaý qajettigin eskertti.
«Latyn qarpine ótýdiń ońy men solyn saralap alǵanymyz jón. Soǵan taldaý jasap, mátinniń oqý áýezin, ádisin, zańdylyǵyn meńgerip alýymyz kerek. Latyn álipbıine kóshý úshin emle erejesiniń saqtalýyna basa mán bergen jón. ıAǵnı, birizdilik, ortaq qaǵıda bolýy shart. Erteń qoldanysqa engizilgen kezde ərkim ózinshe jazyp júrmeýi tıis. Sondyqtan, barshamyzǵa ortaq əri qolaıly nusqasyn asyqpaı tańdaǵanymyz mańyzdy», - dep tolyqtyrdy Esim Ǵarıfolla.
Aıta keteıik, búgin Býrabaıdaǵy «Baldáýren» oqý-saýyqtyrý ortalyǵynda latyn álipbıiniń qoldanysqa qanshalyqty yńǵaıly ekenin anyqtaý úshin osynda demalyp jatqan 230 oqýshy synaq tapsyrdy. Bul sharaǵa Sh.Shaıahmetov atyndaǵy «Til-Qazyna» ulttyq ǵylymı-praktıkalyq ortalyǵynyń bas dırektory, QR UǴA akademıgi, fılosofııa ǵylymdarynyń doktory, professor Ǵarıfolla Esimnen bólek, osy ortalyqtyń atqarýshy dırektory, fılologııa ǵylymdarynyń kandıdaty Erbol Tileshov, QR Mádenıet jáne sport mınıstrligi Tilderdi damytý jáne qoǵamdyq-saıası jumys komıtetiniń tóraǵasy Qýat Borash qatysyp, elimizdiń latyn álipbıine kóshýdegi oı-pikirlerimen bólisti.
Foto: stan.kz
