Latyn qarpindegi qazaq álipbıin meńgerý jastarǵa esh qıyndyq týǵyzbaıdy - Danııar Súndetbaev

ASTANA. QazAqparat - Latyn qarpindegi álipbıdiń jańa jobasynda qazaq tiliniń tól áripteriniń saqtalǵany aǵa býynmen birge jas býyndy da erekshe qýantady. «Nur Otan» partııasy «Jas Otan» jastar qanatynyń tóraǵasy Danııar Súndetbaev osylaı dep pikirin bildirdi, dep habarlaıdy «QazAqparat» HAA tilshisi.

«Jastar áý bastan latyn qarpine kóshý týraly bastamany biraýyzdan qoldap keledi. Ony latyn qarpine qatysty Elbasynyń sońǵy sózinen de ańǵarýǵa bolady. Óıtkeni, menińshe, latyn álipbıi qazirgi jas býynǵa birshama jaqyn sekildi. Biz jastarmen ózara SMS-habarlamalardy almasqanda dál osy latyn áripterin qoldanamyz. Álipbıdiń sońǵy nusqasy jastardyń kóńilinen shyqqanyn senimmen aıta alamyn. Óıtkeni, álipbıdiń birinshi nusqasy boıynsha birqatar ala-qula pikirler bolǵanyn da bilesizder», - deıdi «Jas Otan» jastar qanatynyń tóraǵasy.

Sonymen birge, Danııar Súndetbaev Prezıdentke tanystyrylǵan jańa jobany birden unatqanyn aıtady.

«Eń bastysy, jańa nusqada qazaqtyń tól áripteriniń belgilengenin erekshe atap ótýge bolady. Mysaly, Nazarbaev Ýnıversıtetinde jumys atqaratyn Túrkııadan kelgen bir ǵalym áý basta túrik tilinde «á» jáne «q» áripteri bolǵanyn aıtyp, alaıda latyn álipbıine kóshken kezde sol áripter joǵalyp ketkenin aıtqan bolatyn. ıAǵnı, «á» árpi «a»-ǵa aınalyp, «q» árpi «k»-ge ózgerip, ol jaqtaǵy qaýym tól áripterinen aıyrylyp qalǵan. Sondyqtan, bizdiń jaǵdaıda jańa álipbıdegi tól áripterimizdiń saqtalýynyń mańyzy zor bilemin», - deıdi Danııar Súndetbaev.

Sonymen birge, Danııar Súndetbaev jastar telefon paıda bolǵaly beri, SMS-habarlamalardy, áleýmettik jelidegi aqparattardy latyn qarpimen almasyp júrgendikten, jańa álipbıdi meńgerý jas býynǵa asa qıyndyq týǵyzbaıtynyn aıtady.

Eske sala ketsek, 9 qazan kúni Elbasyna latyn qarpindegi álipbıdiń jańa jobasy tanystyrylǵan bolatyn . Qazaqstan Prezıdenti latyn qarpine kóshýge baılanysty jastardyń bul úderisti qoldaǵanyna rızashylyǵyn bildirgen bolatyn.