Latyn Amerıkasynyń birqatar eli qazaqstandyqtar úshin vızasyz rejım engizbek
«Ózderińiz de biletindeı, 2016 jyldan beri Qazaqstannyń Brazılııamen vızasyz rejımi jumys istep tur. Sál erterek Argentınamen vızasyz rejım jasalǵan. Sonymen qatar Qazaqstan men Kolýmbııa, Ekvador arasynda vızasyz rejim bar. Bizdiń dıplomattarymyz ben jekelegen memlekettik qyzmetshilerimiz Chılıge vızasyz bara alady. 2017 jyly Chılı Úkimeti qazaqstandyq azamattar úshin týrıstik vızaǵa konsýldyq alym alýdy toqtatty. Qazirgi ýaqytta azamattarymyzdyń Perý, Ýrýgvaı jáne Venesýelaǵa vızasyz saparlaýy týraly kelisimge qol jetkizý jónindegi máselelermen jumys istep jatyrmyz»,- dedi Elshi.
Aıta keteıik, qazirgi ýaqytta qazaqstandyqtar álemniń 30 eline vızasyz sapar jasaı alady. Munan bólek, búginde Izraıl, Taıland, Fıdjı jáne Makaomen vızany alyp tastaý máselesi qarastyrylyp jatyr. Al Kýbamen aradaǵy vızasyz rejım áli kúshine engen joq.
