Latyn Amerıkasynda koronavırýstan birinshi adam ólimi tirkeldi
NUR-SULTAN. QazAqparat - Búgin Argentına bıligi 64 jastaǵy el azamatynyń koronavırýstan qaza tapqandyǵyn jarııa etti. Bul Latyn Amerıkasyndaǵy vırýstan birinshi adam ólimi, dep habarlaıdy QazAqparat ABC News agenttigine silteme jasap.
Argentına Densaýlyq saqtaý mınıstrliginiń málimdeýinshe, Býenos-Aıres turǵyny bolǵan patsıent taıaýda Eýropaǵa barǵan kezinde COVID-19 vırýsyn juqtyryp kelgen. Taratylǵan málimetke sáıkes, naýqas búırek jetispeýshiligimen, dıabetpen, gıpertonııamen bronhıtpen aýyrǵan. Ol sársenbi kúni aýrýhanaǵa túsken sátten beri jaqsaqtaý bóliminde jatqan. Qazirgi ýaqytta el bıligi qaza tapqan azamattyń Eýropadan kelgennen keıin kimdermen qarym-qatynasta bolǵanyn anyqtaýǵa tyrysyp jatyr.
Aıta keterligi, Latyn Amerıkasynda koronavırýs juqtyrýdyń jańa derekteri artyp kele jatyr. Perýde COVID-19 vırýsyn juqtyrǵan taǵy 5 derek naqtylandy. Buǵan deıin bul elde bir adamnan koronavırý anyqtalǵan edi.
Paragvaıda da bir adamnan koronavırýs tabyldy. Al Chılıde búgin COVID-19 vırýsyn juqtyrýdyń 7 naqtylanǵan deregi tirkeldi. Kosta-Rıka Densaýlyq saqtaý mınıstrligi koronavırýs juqtyrýdyń jańa 4 oqıǵasyn rastap otyr. Osy demalys kúnderi Meksıka, Brazılııa, Ekvador, Kolýmbııa elderi de koronavırýsqa shaldyqqandardyń bar ekendigin resmı habarlady.
