Latyn Amerıkasy Qytaımen baılanysty damytpaq
ASTANA. QazAqparat - Gavanadaǵy sammıtte Latyn Amerıkasy men Karıb basseıni elderiniń kóshbasshylary Qytaımen ekonomıkalyq qatynastardy qoldaý boıynsha topty qurýǵa ýaǵdalasty. Atap aıtar bolsaq, QHR bul óńirdiń tabıǵı resýrstaryn ımporttaýshy basty el bolyp tabylady.
Latyn Amerıkasy men Karıb basseıni elderi qaýymdastyǵynyń sammıtinde AQSh pen Kanadadan basqa barlyq amerıkalyq memleketter qatysýda. Atap aıtqanda, atalmysh eki el bul jıynǵa shaqyrylmaıdy.
Osy qaýymdastyqtyń quramyndaǵy 33 eldiń kóshbasshylary AQSh-ty Kýbaǵa qatysty ekonomıkalyq oqshaýlaýdy sheshýge shaqyrdy. Sonymen qatar olar qurlyqtaǵy qaqtyǵystardy dıalog jolymen sheship, teńsizdikpen pen kedeıshilikpen kúresýge ýáde berdi.
