Latyn Amerıkasy elderindegi joǵary jyldamdyqtaǵy alǵashqy poıyz jolǵa shyǵady
ASTANA. QazAqparat - Latyn Amerıkasy elderindegi alǵashqy joǵary jyldamdyqtaǵy poıyz Meksıkada 2017 jyldyń sońyna deıin paıdalanýǵa beriledi, dep habarlady beısenbi kúni el prezıdentiniń ákimshiligi.
Poıyz Mehıko-Keretaro baǵytynda jolǵa shyǵady. Onyń jyldamdyǵy saǵatyna 300 shaqyrymǵa deıin jetpek.
Osylaısha, atalǵan poıyz AQSh-ta Acela Express-ten keıingi ekinshisi bolmaq. Alaıda onyń jyldamdyǵy soltústikamerıkandyq analogtan joǵary.
Mamandardyń esepteýinshe, kún saıyn meksıkandyq ekspress 23 myńǵa jýyq adamdy tasymaq. Al joǵary jyldamdyqtaǵy poıyzdy salý 20 myń jumys ornyn ashýǵa múmkindik týǵyzady. Joǵary jyldamdyqtaǵy poıyzdyń paıdalanýǵa berilýi Mehıko men Keretaro arasynda kún saıyn qozǵalatyn avtokólikter sanyn 18 myńǵa azaıtýǵa múmkindik beredi. Bul atmosferaǵa taralatyn zııandy qaldyqtardy azaıtýǵa septigin tıgizbek.
