Latyn Amerıkasy elderi Qazaqstanmen arada vızasyz rejım ornatpaq

ASTANA. QazAqparat – QR Syrtqy ister mınıstrliginiń resmı ókili Aıbek Smadııarov Qazaqstanmen arada vızasyz elder tizimin keńeıtýge qatysty túsinik berdi, dep habarlaıdy QazAqparat tilshisi.

«Vızasyz rejımge qatysty bizde arnaıy jospar bar. Jyl saıyn birneshe memleket engizilip otyrady. Osy oraıda elimizdiń azamattary shetelge vızasyz saparlaýy úshin olardyń jaǵdaıyn jaqsartýǵa, atalǵan tizimdi keńeıtýge tyrysamyz. Bul turǵyda kelissóz júrgizý ońaı emes, ár memleket óziniń kóshi-qon jáne basqa da zańnamasyn qarastyrady», - dedi A.Smadııarov mınıstrlikte ótken baspasóz máslıhatynda.

Osy oraıda álemniń ár óńirimen kelissóz júrgizilip jatqanyn aıtty.

«Memlekettermen ýaǵdalastyq jasalsa, onda tısti qujattarǵa qol qoıýǵa tyrysamyz. Kelissózder jalǵasyp jatyr. Latyn Amerıka elderi bul baǵytta yntymaqtastyqty nyǵaıtpaq. Óıtkeni bul óńirge baratyn qazaqstandyq týrıster sany ósti. Sondyqtan Latyn Amrıkasy elderiniń syrtqy ister mınıstrlikteriniń basshylyǵy bul baǵyttaǵy máselelerdi qarastyrý ótinishin jasady. Byltyr birqatar kelisimge qol qoıǵan edik jáne bıyl biz osyndaı elderdiń tizimin keńeıtpekpiz. Sonymen qatar, Arab elderi de osyndaı qarym-qatynastardy naǵaıtpaq», - dedi resmı ókil.

Budan buryn habarlanǵandaı, Qazaqstan vızasyz elder tizimin 80 memleketke deıin keńeıtti.