Latyn álipbıiniń jobasy qashan jarııalanatyndyǵy belgili boldy
«Jobada qazaqtyń 28 dybysynyń barlyǵy berildi. A. Baıtursynulynyń fonetıkalyq, lıngvıstıkalyq prıntspi, sonymen qatar Alash zııalylarynyń ustanymy, munymen qosa 1924 jyly Orynborda qazaq bilimpazdarynyń sezi bolǵan, sonda qarastyrylǵan ustanymdar eskerildi. Ondaǵy eń basty ustanym - qazaqtyń dybysyn saqtaý, ekinshiden, qazaqtyń jýan jińishke syńary úndestik zańyn saqtaý», - dedi Tileshov Parlament Májilisindegi «Memlekettik tildiń latyn grafıkasyndaǵy álipbıiniń biryńǵaı standartyn engizý máseleleri týraly» parlamenttik tyńdaýdan keıin.
Ortalyq dırektory jańa álipbıdiń jobasy taıaý arada saıttarda jarııalanatynyn atap ótti.
«Meniń bilýimshe, kúni erteń «Egemen Qazaqstan» gazetinde jarııalanatyn bolady», - dedi E. Tileshov.
«Qazaqstan tilinde 28 dybys bar. Búgin usynǵan álipbıimizde 25 tańba qamytylǵan, oǵan qosa 8 dıgraf bar. Osy oraıda bunyń barlyǵy qazaqtyń búkil dybystyq júıesin berip tur», - dedi ol.
Budan buryn habarlanǵandaı, búgin QR Parlament Májilisinde Shaıaxmetov atyndaǵy tilderdi damytýdyń respýblıkalyq ortalyǵynyń dırektory Erbol Tileshov latyn álipbıiniń biryńǵaı nusqasyn tanystyrǵan bolatyn.
