Latyn álipbıiniń sońǵy usynylǵan nusqasy durys dep sanaımyn - QR Prezıdenti
Búgin otandyq telearnalardan kórsetilip jatqan suhbat barysynda Qazaqstan telearnasy «Apta» saraptamalyq baǵdarlamasynyń júrgizýshisi Muhtar Túmenbaev Elbasydan «Bolashaqqa baǵdar: rýhanı jańǵyrý» baǵdarlamasyn júzege asyrý barysy jaıynda surady.
«Ulttyq komıssııa quryldy. Sol komıssııanyń jumysyna kóńilińiz tola ma? Jalpy, qarqyny qalaı júrip jatyr dep oılaısyz?», - dep surady ol.
Qazaqstan Prezıdenti baǵdarlamalyq maqalada aıtylǵan dúnıelerdi oryndaý úshin tıisti zańdar qabyldanyp, usynystar da engizilgendigin atap ótti.
«Eń birinshi latyn álipbıine kóshemiz degen máseleni halyq bolyp talqylap, barlyq zııaly qaýymnyń, til, tarıh ǵalymdarynyń pikirin tyńdap, barlyq jaǵynan qarap, eldiń oıyn bilip, bir júıege keldik. Latyn álipbıiniń eń sońǵy nusqasyn maǵan alyp keldi. Men ony bekittim. Biraq, túgel ony engizý, sol álipbı arqyly jumys isteýge áli ýaqyt bar. Sondyqtan muny da qatyp qaldy dep oılaýǵa bolmaıdy. Men bilemin, keıbir máselelerge qatysty ústindegi «núkte durys pa, birneshe qaripten jasaý kerek pe edi?» dep aıtady», - dedi Elbasy.
Memleket basshysy sonymen qatar keıbireýlerdiń túrki tildes aǵaıyndardyń álipbımen júrý qajet edi, degendi de aıtatyndyǵyn eske saldy.
«Meniń oıymsha, qazirgi kompıýterdegi nusqaǵa saı kelýi kerek. kompıýterdiń (klavıatýralaryn) ózgertpeýge jaǵdaı jasaý qajet. Sol úshin jasadyq. Sol úshin qazirgi nusqa durys dep sanaımyn», - dedi Nursultan Nazarbaev.
