Latyn álipbıine kóshýge úlken daıyndyqpen keldik - Májilis tóraǵasy
«Osy jolda tildiń halyqaralyq mártebesin kóterý - bizdiń álemdik órkenıetke jetýimizdiń basty kepili. Sonymen birge jańa álipbı búkil álem qazaqtaryn biriktiretin óte mańyzdy faktor. Elbasy aıtqandaı, balalarymyzdyń bolashaǵy úshin osyndaı sheshim qabyldaýǵa tıispiz jáne ol álemmen birlesýge, urpaǵymyzdyń aǵylshyn tili men ınternet tilin ıgerýge, eń bastysy - qazaq tilin jańǵyrtýǵa jaǵdaı týǵyzady. Al qazaq tilin jańǵyrtýdyń basty kóretkishi - ol latyn jazýyna kóshý. Aıta ketý kerek, latyn jazýy týraly búgin ǵana aıtylyp otyrǵan joq. Prezıdentimiz bul jaıynda 2006 jyly Qazaqstan halqy Assambleıasynyń on ekinshi sessııasynda sóılegen sózinde jáne «Qazaqstan 2050» Strategııasynda da aıtqan bolatyn. Sonymen qatar Elbasy óziniń «Rýhanı jańǵyrý» maqalasynda latyn jazýyna kóshýdiń naqty joldaryn belgilep, tıisti sharalardy qolǵa alý kerek ekenin jetkizdi. Bul qazirgi zamannyń talaby dep aıtýǵa bolady», - dep toqtaldy N. Nyǵmatýlın.
Osy oraıda Májilis tóraǵasy latyn qarpiniń ǵylym men tehnıkany damytýda orny erekshe ekenin atap ótti.
«Árıne, «bitken iske synshy kóp» degendeı, osy máselege baılanysty búgin aıtylyp jatqan pikirler óte kóp. Biraq ta elimizdiń árbir azamaty latyn jazýyna kóshý álemdik órkenıetke jetýdiń basty joly ekenin bilýi tıis. Sebebi latyn jazýy adamzattyń damýyndaǵy myqty tilderdiń biri. Ol 21 ǵasyrdaǵy ǵylym men tehnıkanyń, ınternet pen ІT-tehnologııalardyń tili. Sondyqtan biz osy óte jaýapty kezeńge úlken daıyndyqpen keldik dep aıtýǵa bolady. Óıtkeni kóptegen jumystar atqaryldy. Sonyń nátıjesinde qazaq tiliniń yqpaly kúsheıtilip, qazaqstandyqtardyń aǵylshyn tilin úırenýge de barlyq jaǵdaı jasalyndy», - dedi Nurlan Nyǵmatýlın.