Latyn álipbıine kóshýdi BQO-daǵy koalıtsııa músheleri qoldaıdy
Jıynda «Nur Otan» partııasy BQO fılıaly tóraǵasynyń birinshi orynbasary Serik Súleımen Elbasymyzdyń «Bolashaqqa baǵdar: rýhanı jańǵyrý» atty maqalasy strategııalyq mańyzǵa ıe, jasampaz halqymyzdyń jarqyn bolashaǵyn aıqyndaıtyn qujat ekenin atap ótti. Sondaı-aq bul bastama jurtshylyqtyń qoldaýyna ıe bolyp otyrǵanyn jetkizdi.
«Qazaq tilin latyn álipbıine kóshirý týraly másele táýelsizdik alǵan jyldardan beri kóterilip keledi. Endi qazaq eli osy sheshýshi kezeńge kelip jetti. Latyn qarpi kommýnıkatsııalyq keńistikte basymdyqqa ıe jáne kóptegen elder, sonyń ishinde postkeńestik elderdiń latyn qarpine kóshýi kezdeısoqtyq emes. Latyn álipbıine kóshý - Elbasynyń taǵy bir mańyzdy bastamalarynyń biri jáne der kezinde qozǵalǵan, tilimizdiń bolashaǵy úshin jasalǵan qadam. Saıyp kelgende, latyn álipbıine kóshý ana tilimizdiń qoldanys aıasyn odan ári keńeıtip, qazaq tilin tehnologııa tiline aınaldyrady», - dedi Serik Kenjebekuly.
Otyrysqa memlekettik uıymdar men saıası partııalar ókilderi, ǵalymdar men sarapshy mamandar qatysty.
«Bizge qazirgi tańda osy kompıýterlik joba tıimdirek. Erteń damý barysynda onyń kemshilikteri men paıdaly jaqtary shyǵady. Sol kezde biz taǵy da ózgerister engizip, álipbıdi durystaı alamyz. Bul rette óz usynysymyzdy berýge daıynbyz. Mysaly, kirme áripterden arylyp, tól dybystarǵa laıyqtap qabyldaý kerek»,- dedi M.Ótemisov atyndaǵy Batys Qazaqstan memlekettik ýnıversıtetiniń professory, fılologııa ǵylymdarynyń doktory Ǵabıt Hasanov.
