Latyn álipbıine kóshý jónindegi komıssııanyń jumysyna jan-jaqty atsalysýymyz kerek - Erlan Saırov

ShYMKENT. QazAqparat - Ońtústik Qazaqstan oblysynda əkimdiktiń uıymdastyrýymen «Rýhanı jańǵyrý: memlekettik tildiń latyn qarpine kóshýi» taqyrybynda jergilikti buqaralyq aqparat quraldarynyń basshylarymen kezdesý bolyp ótti. Jıynǵa saıasattanýshylar Erlan Saırov pen Talǵat Qalıev, qoǵam qaıratkeri Əmirjan Qosanov pen jýrnalıst-sarapshy Rýslan Jeldibaı qatysty, dep habarlaıdy QazAqparat tilshisi.

Latyn álipbıin nasıhattaý maqsatynda kelgen arnaıy top músheleri ońtústiktegi jeli belsendileriniń usynystaryn estip, saýaldaryna jaýap berdi. Toptyń jetekshisi saıasattanýshy Erlan Saırov Qytaı men Japonııa elderin mysalǵa keltire otyryp, damyǵan memleketterdiń halyqaralyq deńgeıge shyqqan kezde mindetti túrde latyn grafıkasyn paıdalanatynyn atap ótti. Sonymen qatar latyn álipbıine enýdiń rýhanı mıssııasyn, qoǵamda qundylyǵymyzdy túsirmeýimiz kerek dep aıtyp ótti. Bul rette eldegi azamattardyń oı pikiri eskerilip, arnaıy komıssııaǵa usynylatynyna toqtaldy.

«Kezinde Atatúrik Eýropaǵa kirý úshin, óziniń baýyrlas halyqtarymen baılanysty nyǵaıtý úshin osyndaı qadamǵa bardy. Latyn grafıkasyna ótti. Eń bastysy, bizdiń elde de saıası sheshim qabyldandy. Osy saıası sheshimniń aıasynda máseleni ońtaıly sheshýdiń jańa tehnologııalaryn, jańa ádisterin qoǵam bolyp birge jasaımyz degen oıdamyz. Osy máseleni qaraıtyn memlekettik komıssııanyń jumysyna jan-jaqty atsalysýymyz kerek. Onyń kemshiligi men ozyq jaqtaryn aıtyp otyrý qajet»,- dedi Erlan Saırov. 

Al Anglııa elinde joǵary bilim alyp kelgen jýrnalıst-sarapshy Rýslan Jeldibaı latyn qarpine kóshý arqyly bolashaq urpaq kez kelgen shet tilin ońaı úırenip, úlken múmkindikterge jol ashady dep otyr.

«Meniń naqty senimim bar, latynǵa ótý qazaq tiliniń tildik qýatyn kúsheıtedi. Máselen, Afrıka elderiniń 80 paıyzǵa jýyǵy latyn qarpin qoldanady. Ol elder birden damyp ketken degen sóz emes. Al, bizdiń Qazaqstanymyz ol eldermen salystyrýǵa kelmeıdi. Bizdiń jaǵdaıymyz, áleýetimiz joǵary. Álipbıdiń qandaı túrin tańdaımyz degende ony ǵalymdar sheshý kerek dep oılaımyn. Eń bastysy, latyn qarpine kóshýde qoǵamda birizdilik, biraýyzdylyq bar dep aıtar edim. Qalǵan máseleler beıimdeý kezeńderinde komıssııa tarapynan qosymsha sheshile bermek», - deıdi Rýslan Jeldibaı.