Latyn álipbıine kóshý shubar tilden arylýǵa múmkindik beredi - J. Teberikov

TALDYQORǴAN.QazAqparat - Latyn álipbıine kóshý shubar tilden arylýǵa múmkindik beredi.  Elbasynyń «Bolashaqqa baǵdar: rýhanı jańǵyrý» atty maqalasyna oraı taldyqorǵandyq zeınetker, til janashyry Teberikov Jeken Moldaǵalıuly osyndaı pikirin bildirdi, dep habarlaıdy QazAqparat tilshisi.  

«Búgingi jahandaný zamanynda tórtkúl dúnıeniń barlyq salasynda kúndelikti ózgerister bolyp jatqanyna barshamyz kýámiz. Synaptaı syrǵyp ótip jatqan ómirimizdiń kezek kúttirmeıtin máselesi Elbasynyń 2012 jylǵy jeltoqsanda jarııa etken «Qazaqstan-2050» Strategııasyndaǵy «2025 jyldan bastap latyn álipbıine kóshýge kirisýimiz kerektigi» týraly málimdemesi bolatyn. Keshe ǵana Elbasy «Bolashaqqa baǵdar: rýhanı jańǵyrý» atty maqalasynda Úkimetke qazaq tilin latyn álipbıine kóshirýdiń naqty kestesin jasaýdy jáne 2017 jyldyń aıaǵyna deıin ǵalymdardyń kómegimen, barsha qoǵam ókilderimen aqyldasa otyryp, qazaq álipbıiniń jańa grafıkadaǵy biryńǵaı standartty nusqasyn qabyldaýdy tapsyrdy. Qazaq jazýyn latyn álipbıine kóshirý rýhanı ómirimizdegi eleýli oqıǵalardyń biri bolǵaly otyr. Latyn álipbıin qazirgi zamanda álem jurtshylyǵynyń 70 paıyzǵa jýyǵy qoldanýda. Búkil dúnıejúzilik qaýymdastyqtyń kópshiligimen erkin qarym-qatynas jasap, álemdik aqparattyq keńistikke keń jol ashýymyzǵa múmkindik beredi».

Sondaı aq zeınetkerdiń pikirinshe, latyn álipbıine kóshý shubar tilden arylýǵa, túrki áleminiń jazý júıesinde jáne álemdik aqparatty almasýda birizdilikti saqtaýǵa múmkindik beredi. Bul shara jalpy halyqtyq is, kerek deseńiz ulttyq másele ekenin barshamyz túsinip, ár qazaqstandyq óz úlesin qosýǵa tıis. Árqaısymyzdyń otansúıgishtigimiz, tilimizge degen qurmet naq osyndaı kıeli iste kórinis tabary anyq, deıdi zeınetker.