Latyn álipbıine kóshý: Oqýshylardyń usynys-pikirleri jınastyrylýda
QR Mádenıet jáne sport mınıstrligi Tilderdi damytý jáne qoǵamdyq-saıası jumys komıteti Sh. Shaıahmetov atyndaǵy «Til-Qazyna» ulttyq ǵylymı-praktıkalyq ortalyǵynyń uıymdastyrýymen ótken shara qoǵamdyq pikirdi zertteý arqyly jańa álipbıdi ázirleý barysynda týyndaǵan máselelerdiń sheshimin anyqtaýǵa baǵyttalǵan.
Synaq erejesine sáıkes, oqýshylar barlyǵy 6 suraqqa jaýap berýi tıis. Alty bettik jınaqtyń alǵashqysynda synaq tapsyrýshy týraly məlimetter toltyrylady. Ekinshi-úshinshi betterinde latyn əripterimen jazylǵan qazaq tilindegi sózderdiń durys nusqasyn tańdaý, sondaı-aq kırıllıtsamen jazylǵan qazaqsha sózderdiń «durys» jəne «yńǵaıly» nusqalaryn latyn əripterimen jazýy tıis. Al 4-5 betterinde latyn jəne kırıllıtsa əripterimen sóılem jazý jəne osy eki álipbımen jazylǵan sózderdiń durys degen nusqasyn tańdaý qajet. Sońǵy - altynshy bette balalar ózderiniń eskertpeleri men usynystaryn qaldyra aldy.
Atap ótilgendeı, oqýshylar tapsyrǵan synaqtyń jaýaptary jınastyrylyp, jańa emle erejelerin ázirleý barysynda ǵalymdar tarapynan eskeriletin bolady.
Uıymdastyrýshylar synaq arqyly qazaq tilindegi tól, kirme jáne shetel sózderin latyn álipbıimen tańbalaýda (orfogrammalar) týyndaıtyn kedergiler men kemshilikterdi anyqtaýdy kózdep otyr.
«Bastapqy synaqtyń geografııasy keń, osyǵan deıin Zerendide demalyp jatqan balaradan aldyq. Endi «Baldáýren» oqý-saýyqtyrý ortalyǵynda demalyp jatqan Qazaqstannyń túpkir-túpkirinen kelgen 6, 7, 8 jáne 9-synyp oqýshylary qatystyrylyp otyr. Balalar eresekterden góri tez qabyldaǵysh. Sondyqtan, alǵashqy synamany balalardan bastap otyrmyz. Keleshekte barlyq salalardaǵy qyzmetkerlerden, onyń ishinde memlekettik qyzmetshilerden de alatyn bolamyz. Synama nátıjesinde alynǵan statıstıkalyq ári sapalyq málimetter emle erejeleriniń jalpyhalyqtyq qoldaýǵa ıe nusqasyn ázirleýge septigin tıgizedi», - dep atap ótti Sh. Shaıahmetov atyndaǵy «Til-Qazyna» ulttyq ǵylymı-praktıkalyq ortalyǵynyń atqarýshy dırektory, fılologııa ǵylymdarynyń kandıdaty Erbol Tileshov.
Aıta keteıik, bul sharaǵa belgili qoǵam qaıratkerleri men ǵalymdar, QR Mádenıet jáne sport mınıstrligi Tilderdi damytý jáne qoǵamdyq-saıası jumys komıtetiniń ókilderi, synaqty uıymdastyrýshy mamandar arnaıy qatysty.
