Latyn álipbıine qatysty pikirtalasty ıntellektýaldyq deńgeıge kóterý qajet - Erlan Saırov
«Latyn álipbıine kóshýdiń qajet ekenin qazaq túsindi. Qazirgi ýaqytta latynǵa ótýdiń ádis-tásilderi talqylanyp jatyr. Jasymyz bar, úlkenimiz bar bul máselede ortaq pikirge kelemiz dep úmittenemin. Meniń oıymsha, latyn álipbıine kóshý máselesin táýelsizdikke para-par, egemendikpen teń kórip, úlken gýmanıtarlyq qadam retinde qabyldaýymyz kerek. Osy turǵydan qaraǵanda, pikirtalastyń ózin ıntellektýaldyq deńgeıge kóterý qajet», - dedi Erlan Saırov.
Sonymen qatar, Erlan Saırov QazAqparat tilshisine bergen suhbatynda latyn álipbıimen qazaq mádenıeti, rýhanııaty sapaly deńgeıge ótedi degen pikir bildirdi.
«Memlekettik komıssııa qurylady. Onda qazirgi qoǵamda aıtylyp jatqan pikirler jınaqtalyp, bir ortaq qorytyndyǵa kelisimge keledi dep oılaımyn. Usynystardyń barlyǵy saraptalady. Bul - úlken mádenı, rýhanı qadam. Latyn álipbıin qoǵamnyń qyzý talqylaýynyń ózi bul máseleniń qoǵam úshin mańyzdy ekenin kórsetedi. Aldaǵy eki jylda grafıka boıynsha da ózgerister bolýy múmkin. Eń bastysy - bul mańyzdy saıası qadam», dedi Erlan Saırov.
Qoǵamdyq keńeste Sh.Shaıahmetov atyndaǵy Tilderdi damytýdyń respýblıkalyq úılestirý-ádistemelik ortalyǵynyń dırektory Erbol, Tileshov, Halyqaralyq aqparattyq tehnologııalyq ýnıversıtetiniń rektory, Almaty qalasy Qoǵamdyq keńesiniń múshesi Damır Shynybekov, «QazAqparat» halyqaralyq aqparat agenttiginiń bas dırektory Asqar Ýmarov, saıasattanýshy Aıdos Sarym baıandama jasap, pikir bildirdi.
