Latyn álipbıi túrki elderimen dostastyǵymyzdy nyǵaıtýǵa yqpal etedi - QR UǴA prezıdenti Murat Jurynov

ALMATY. QazAqparat - Qazaq tilin latyn álipbıine kóshirý máselesine qatysty oıymen belgili ǵalym, QR UǴA prezıdenti Murat Jurynov bólisti, dep habarlaıdy QazAqparat tilshisi.

Onyń aıtýynsha, latyn álipbıi túrki elderimen dostastyǵymyzdy nyǵaıtyp, ulttyq kodymyzdy saqtaýǵa múmkindik beredi.

«Men latyn álipbıine ótýdi qoldaımyn. 1994 jyldan beri osy máseleni egjeı-tegjeıli zerttep kelemin. Sol ýaqyttan beri latyn álipbıi arqyly ǵylym men ınnovatsııanyń tili aǵylshyn tilin úırený ońaı bolatynyna kózim jetti. Latyn álipbıi túrki elderimen dostastyǵymyzdy nyǵaıtyp, ulttyq kodymyzdy saqtaýǵa múmkindik beredi. Bul óz kezeginde qazaq tiliniń kórkeıýine ákeleri sózsiz», - dedi Murat Jurynov.

Aıta keteıik, QR Prezıdenti Nursultan Nazarbaevtyń «Bolashaqqa baǵdar: rýhanı jańǵyrý» baǵdarlamalyq maqalasyn júzege asyrý aıasynda qazaq tilin latyn álipbıine kóshirý máselesi qoǵam talqylaýyna usynylǵan bolatyn.