Latyn álipbıi Qazaqstan men Frantsııany jaqyndastyra túsedi - Frantsııa elshisi
ASTANA. QazAqparat - Frantsııanyń Qazaqstandaǵy Tótenshe jáne ókiletti elshisi Fransıs Eten Qazaqstannyń latyn álipbıine kóshýine baılanysty pikirin bildirdi, dep habarlaıdy «QazAqparat» HAA tilshisi.
Elshi Ortalyq kommýnıkatsııalar qyzmetinde «Frantsııa - Qazaqstan arasyndaǵy dıplomatııalyq baılanysqa 25 jyl» atty baspasóz konferentsııasynda eki eldi jaqyndastyrýda ádebıet pen rýhanııatty jaqyndastyra túsý kerek degen oıyn bildirdi.
«Bir alfavıtpen oqýdyń mańyzy zor. Búgingi kúni bizdiń aldymyzdan birshama qıyndyqtar kezdesedi. Óıtkeni, kırıllıtsa men latyn árpi múlde bólek. Sondyqtan, Sizder latyn álipbıine ótseńizder, biz úshin de birshama jumys jeńildeıtin edi. Latyn álipbıi bizdiń eldi jaqyndastyra túsedi», - deıdi Fransıs Eten.
Frantsııa elshisi sonymen birge, qazaqtyń uly aqyny Abaıdan bastap, tarıhta aty qalǵan aqyn-jazýshylardyń eńbekterin frantsýz tiline aýdarý jumysynyń mańyzdylyǵyna toqtaldy.
«Qazaqstan halqyn ádebıt pen rýhanııaty biriktirip turǵandyqtan, bizdiń olarǵa qyzyǵýshylyǵymyz zor. Moler, Gıýgo syndy frantsýz jazýshylarynyń eńbekterin de qazaq tiline aýdarý kerek. Bul baǵytta biz atqaratyn jumys jeterlik», - deıdi elshi.
