Latvııanyń toǵyz turǵynyn jylan shaǵyp, ıt qapty
ASTANA. QazAqparat - Ótken táýlikterde Latvııanyń toǵyz turǵyny janýarlar men jándikterdiń tistegeninen zardap shekti. Bul týraly jedel medıtsınalyq kómek qyzmetinen málim etti.
MixNews-tyń habarlaýynsha, medıtsına qyzmetkerleri bes ıt qapqan, eki ara shaqqan jáne aralardyń shaǵýynan jaǵdaıy kúrt nasharlaǵan eki adamǵa kómek kórsetken.
Vıdzemde kórshisiniń ıti 14 jastaǵy jasóspirimdi tistep aldy, al alty jasar balany ıt basynan qaýyp alǵan. Sonymen birge, Kýrzemeniń 69 jastaǵy turǵyny - áıel adamdy óziniń ıti betinen tistegen.
Jylandardyń shaǵýynan 78 jastaǵy áıel men 17 jastaǵy qyz zardap shekti, al aranyń shaǵýynan keıin 71 jastaǵy áıel men 25 jastaǵy jigit allergııalyq reaktsııa aldy.
