Latvııanyń bilim eks-mınıstri jol-kólik oqıǵasy úshin bes táýlikke tutqyndaldy
ASTANA. 6 qańtar. QazAqparat - Latvııanyń bilim jáne ǵylym eks-mınıstri Robert Kılıs ótken jyldyń tamyz aıynda mas kúıinde jol apatyna sebepshi bolǵany úshin bes táýlikke ákimshilik tutqynǵa túsip, bosap shyqty.
Onyń aıtýynsha, túrmede aýrýhanadan ózgesheligi, baılanys quralyn paıdalanýǵa bolmaıdy eken, degenmen tamaǵy jaman bolmaǵan.
Polıtsııa málimetteri boıynsha, 2013 jylǵy 15 tamyzda túnde Mazda 3 markaly avtomobıl Volkswagen Bora kóligimen soqtyǵysyp qalǵan. Júrgizýshiniń qanynan 1,34 promılle alkogol tabylǵan, ol Kılıs bolatyn. Budan keıin sol kezde bilim mınıstriniń keńesshisi bolyp júrgen eks-mınıstr bul oqıǵany rastady. Ol rýlge otyrar aldynda alkogol ishkenin moıyndaǵan. Rıganyń Zemgal aýdanynyń soty tamyzda Kılısti bes táýlikke ákimshilik qamaýǵa alýǵa jáne 600 lat mólsherinde (1,2 myń dollarǵa jýyq) aıyppul salýǵa jáne eki jylǵa kólik júrgizý quqyǵynan aıyrýǵa úkim shyǵarǵan bolatyn.
Kılıs sot úkimin ádiletti dep sanaıtynyn málimdedi.
