Latvııalyq Polshaǵa kókónis retinde on vetnamdyqty kirgizbek bolǵan
ASTANA. QazAqparat - Polshanyń keden qyzmeti 43 jastaǵy Latvııa azamatyn ustady. Ol 10 vetnamdyqty kókónister arasynda jasyryp Polshaǵa kirgizbek bolǵan, dep habarlady «RIA Novostı» polshalyq televıdenıege silteme jasap.
Kedenshiler shaǵyn avtobýsty tekserý úshin toqtatqan. Tekserý kezinde kókóniske arnalǵan jáshikterdiń keıbireýleri bos bolǵan. Qalǵan júkti teksergen kedenshiler jáshikterdiń arasynda jasyrynǵan 8 er jáne 2 áıel adamdy baıqaǵan.
«Barlyǵy kámelet jasqa tolǵan. Segizinde jeke kýálik bar», - dep habarlady shekara qyzmetiniń ókili Katajına Zdanovıch.
Zańsyz mıgranttar shekara qyzmetiniń bólimshesine jetkizildi. Telearna aqparatynsha, olardy Lıtvaǵa jóneltedi. Shaǵyn avtobýstyń júrgizýshisi de jazaǵa tartylady.
