Latvııada qumnan músin jasaýshylardyń halyqaralyq festıvali ótti
ASTANA. QazAqparat - Latvııanyń Elgava qalasyndaǵy ortalyq alańda qumnan músin jasaýshylardyń halyqaralyq festıvali uıymdastyryldy. Óner básekesine ár memleketten 15 sýretshi qatysyp, naǵyz sheberlik úlgisin kórsetti, dep habarlaıdy «ITAR-TASS».
Bir apta boıy synasqan saıyskerlerge 800 tonna qum qajet bolǵan eken. Festıvalǵa tańdap alynǵan taqyryp «Kıno» bolǵandyqtan, qatysýshylar óz tanymyndaǵy keıipkerlerdi somdady.
Saıysta Latvııalyq sýretshi Inessa Valterdiń qumnan jasalǵan Alfred Hıchkok músini jeńimpaz atandy. Jarysty tamashalaýǵa kelgen qonaqtarǵa da jaǵdaı jasalyp, kishkentaılarǵa saıystan tys músinder jasaýǵa arnaıy alań bólindi.
Sheberlerdiń músinderi qara kúzge deıin sol jerde saqtalady.
