Latvııada el astanasyndaǵy saýda ortalyǵynda adamdardyń qaza tabýyna baılanysty 3 táýlikke qaraly kún jarııalandy
ASTANA. 23 qarasha. QazAqparat - Latvııada 23, 24, 25 qarasha kúnderi Rıgadaǵy Maxima saýda ortalyǵynyń otyrylyp qulaýy saldarynan qaza tapqandar úshin qaraly kúnder retinde jarııalandy.
Bul kúnderi eldiń búkil aýmaǵynda memlekettik tý tómen túsiriletin bolady. Bul týraly sheteldik BAQ-tar habarlady.
Aıta keteıik, tótenshe oqıǵa 21 qarasha kúni keshkisin oryn alǵan bolatyn. Bastapqyda ǵımarattyń shatyry qulap, al odan keıin qutqarýshylar jumys istep jatqan kezde ortalyqtyń bir jaq qabyrǵasy opyryp túsken edi.
Oqıǵa saldarynan shamamen 40 adam zardap shekti, onyń ishinde balalar da, qutqarýshylar da bar. Aldyn ala málimetter boıynsha, qırandylar astyna áli de 25 adam qalyp otyr. Qutqarý jumystary júrgizilýde.
Maxima saýda ortalyǵyn salyp, paıdalanýǵa bergen «Re&Re» kompanııasynyń basqarma tóraǵasy Aınars Paýnınsh osy oqıǵadan keıin júrek talmasymen aýrýhanaǵa tústi. Onyń densaýlyǵyna qatysty ázirshe esh aqparat joq.
