Latvııada COVID sertıfıkatyn satyp alǵan adam 1 jylǵa deıin bas bostandyǵynan aıyrylady

NUR-SULTAN. QazAqparat - Latvııada jalǵan COVID sertıfıkatyn satyp alǵany úshin qylmystyq jaýapkershilik belgilendi, dep habarlaıdy QazAqparat Covid-19 taralýyna jol bermeý jónindegi vedomstvoaralyq komıssııanyń Telegram kanalyna silteme jasap.

Zańda mundaı buzýshylyqtar úshin bir jylǵa deıin bas bostandyǵynan aıyrý, ýaqytsha bas bostandyǵynan aıyrý, májbúrli jumys nemese aıyppul salynady dep qarastyrylǵan.

Italııada dárigerler úshin koronavırýsqa qarsy vaktsınanyń mindetti úshinshi dozasyn jasaý usynylady. Úshinshi dozany alýshylar sanaty 1 jeltoqsannan bastap 40-tan 60 jas aralyǵyndaǵy adamdarǵa deıin keńeıtiledi.

Germanııada COVID-19 ınfektsııasyn juqtyrýshylar sany kúrt ósti. Munda bir kúnde 50 196 adam vırýs juqtyrǵan, bul pandemııa kezindegi eń joǵary kórsetkish. Aldyńǵy antırekord bir kún buryn tirkeldi, bir kúndegi kórsetkish 39 676 derek boldy. Pandemııa bastalǵannan beri elde 4,8 mıllıonnan astam dertke shaldyqty.