Latvııada balalalar mingen avtobýs aýdarylyp qaldy
ASTANA. QazAqparat - Latvııada 26 adam, onyń ishinde 22 bala otyrǵan avtobýs aýdarylyp qaldy, dep habarlaıdy lenta.ru.
Oqıǵa jeksenbi kúni bolǵan. «Avtobýs trassada ketip bara jatqanda kútpegen jerden aldynan jeńil kólik shyǵyp qalǵan. Jeńil kólikpen soǵysyp qalmaýdyń amalyn oılaǵan avtobýs júrgizýshisi ońǵa qaraı jedel burylyp, úlgergen. Alaıda, avtobýs aýdarylyp qaldy»,-dep túsindirdi bolǵan jaıdy Memlekettik polıtsııanyń baspasóz ortalyǵynyń ókili Gıta Gjıbovska.
Apattyń saldarynan 20 bala zardap shekti. Olar Rıga aýrýhanalarynyń birine jetkizildi. Jedel medıtsınalyq kómek qyzmetiniń ókili Ilza Býksha zardap shekken balalardyń kópshiliginiń jaraqattary asa aýyr emes ekenin aıtady. Alaıda olardyń júıkesi ábden kúızelgen. Oqıǵa ornynda qazir polıtsııa jumys istep jatyr.
