Latvııa Ulybrıtanııanyń Eýroodaq quramynan shyǵýyna alańdaýly
ASTANA. QazAqparat - Latvııa Ulybrıtanııanyń Eýroodaq quramynan shyǵýyna alańdaýly, dep jazady «Habar 24».
Sebebi Brıtanııada turatyn latyshtardyń bolashaq taǵdyry men el ekonomıkasynyń damýy da Londonnyń tańdaǵan jolyna baılanysty bolmaq.
Birikken Koroldiktiń EO shyǵýy latyshtardy qatty alańdatyp otyr. Sebebi Ulybrıtanııa - Latvııanyń eń iri 8 saýda áriptesiniń biri jáne ınvestory. Rıganyń paıymdaýynsha, qysqa merzimde Brexit-tiń yqpaly shamaly bolmaq, al uzaq merzimde jalpy Eýropa qoǵamdastyǵynyń ekonomıkasyna, onyń ishinde Latvııanyń ekonomıkasyna keri áser etýi múmkin. Rıgada jasalǵan baıandamada eldegi ahýaldyń eki nusqada órbýi qarastyrylǵan - «jeńil» jáne «aýyr» joldary. Birinshi nusqada Latvııa men EO arasyndaǵy tyǵyz baılanys burynǵysha saqtalady. Jaǵdaı ózgeshe órbise, Latvııa men EO araqatynasty tolyq toqtaıdy.
«Kútpegen jaǵdaı boldy. Ulybrıtanııa ortaq naryqtan ketpeıdi dep oılaǵan edik. Biraq Premer-mınıstr sońǵy málimdemesinde EO músheliginen shyǵatyndaryn naqty aıtty. ıAǵnı kóp uzamaı jaǵdaı ózgeredi degen sóz. Jaqsy bola ma, álde nasharlaı ma, belgisiz. Endi qandaı ózgerister bolatynyn Eýroodaq pen Ulybrıtanııa arasyndaǵy kelissózderdiń nátıjesi kórseter», - deıdi Latvııa parlamentiniń depýtaty Armands Kraýze.
Eger London ortaq naryqtan ketse, jumys kúshiniń erkin qozǵalysyn da toqtata alady. Dál osy másele Latvııaǵa qıyndyq ákelýi múmkin. Óıtkeni qazir 100 myńdaı latysh azamaty Birikken Koroldikte turyp jatyr.
«Árıne, sonda turyp jatqan latyshtarǵa áser etýi sózsiz. ıAǵnı olardyń óz otbasylarmen qaýyshýy ekitalaı bolmaq. Brıtanııada qalǵan latyshtar turaqty turý quqyǵyn alýy múmkin, tipti olarǵa azamattyq alý talaptary da jeńildeıtin shyǵar. Kerisinshe, Eýroodaqtyń basqa elderinen kelgen jumysshylarǵa jáne balalarǵa tólenetin áleýmettik járdemaqy mólsheri qysqarady. Osynyń bári adamdarǵa qatty soqqy bolary anyq», - deıdi Latvııanyń Eýroparlamenttegi depýtaty Tatıana Jdanok.
Degenimen Brıtanııadaǵy latyshtar Brexit-ten keıin jappaı elge qaıtýǵa asyǵar emes. Tipti olardy jergilikti halyqtyń mıgranttardy jaqtyrmaı ala kózben qaraýy seskendirer emes.
