Latvııa turǵyndary 17 myń adamǵa kemidi
ASTANA. QazAqparat - Latvııa halqy ótken jyly 17,1 myń adamǵa azaıyp, 1 mln 969 myń adamdy qurady. Eldiń Ortalyq statıstıka bıýrosy (OSB) osyndaı derek keltirip otyr, dep habarlaıdy TASS.
«OSB sońǵy málimetteri boıynsha, 2016 jyldyń basynda Latvııada 1 mln 969 myń turǵyn bolǵan. 2015 jyly halyqtyń sany 0,86 paıyzǵa qysqarǵan nemese 17,1 myń adam, al 2014 jyly turǵyndardyń sany 0,77 paıyzǵa nemese 15,4 myń adamǵa kemidi»,-delingen bıýronyń habarlamasynda.
Ótken jyly 28,5 myń adam ómirden ótse, 22 myń sábı dúnıege kelgen. Sondaı-aq ózge elge qonys aýdarǵandar sany kóbeıgen. Emıgranttar sany arǵy jylmen salystyrǵanda 1,1 myńǵa ósip, 20,1 myńǵa jetken.
Foto: LETA, Edijs Pālens
