Latvııa premeriniń partııasy Seım saılaýynda jeńiske jetti
ASTANA. KAZINFORM — Latvııa premer-mınıstri Andrıs Kýlbergstiń ońshyl-konservatıvtik «Birikken tizimi» parlamenttik saılaýda eń kóp qoldaýǵa ıe boldy. Jańa Seımge taǵy bes saıası kúsh ótti, dep habarlaıdy Kazinform agenttigi Deutsche Welle-ge silteme jasap.
Daýystardyń 94%-y sanalǵannan keıin «Birikken tizim» 35,4% daýys jınady. Saılaýshylardyń qatysý belsendiligi 51,8% boldy.
Daýystardyń 94%-y eseptelgen kezde, «Birikken tizim» 35,4% daýys jınap, saılaýda kósh bastady. Saılaýshylardyń 51,8%-y daýys berýge qatysty.
Ekinshi orynǵa kásipker Aınaras Shleserske tıesili «Latvııa birinshi orynda» popýlıstik partııasy jaıǵasty. Ony saılaýshylardyń 13,2%-y qoldaǵan. Al «Egemendi bılik/Jas latyshtar odaǵy» 11,8% daýys jınap, úshinshi oryn aldy.
Bes paıyzdyq mejeden sondaı-aq «Ulttyq birlestik» (9,1%), «Progressıvtiler» (7,4%) jáne «Jańa birlik» (6,2%) ótti.
Osylaısha, qazirgi bıliktegi koalıtsııa quramyndaǵy tórt partııanyń úsheýi — «Birikken tizim», «Ulttyq birlestik» jáne «Jańa birlik» — Seımge ótti. Saılaýdan keıin saıası kúshter jańa koalıtsııa qurý jóninde kelissózder júrgizedi.
Buǵan deıin Kazinform Latvııada parlamenttik saılaý ótip jatqanyn habarlaǵan edi. 100 depýtattyq mandatqa 14 partııalyq tizimnen 1 428 kandıdat talasty.
Mamyr aıynda Latvııa prezıdenti Edgars Rınkevıch Evıka Sılınıa úkimeti otstavkaǵa ketkennen keıin oppozıtsııa ókili Andrıs Kýlbergske jańa úkimet jasaqtaýdy tapsyrǵan edi.
