Latvııa Premer-Mınıstri qyzmetinen ketti
ASTANA. 28 qarasha. QazAqparat - Latvııa Premer-Mınıstri Rıgadaǵy "Maxima" saýda ortalyǵyndaǵy apatqa baılanysty qyzmetinen ketti, dep habarlady RBK.
«Premer-Mınıstr Valdıs Dombrovskıs 54 adamnyń ómirin alyp ketken «Maxima» saýda ortalyǵynyń tóbesi qulaǵan Zolıtýda rıgalyq aýdanyndaǵy apatqa baılanysty qyzmetinen ketti», - delingen habarlamada.
V.Dombrovskıs sondaı-aq, «elge qalyptasqan jaǵdaıdy sheshe alatyndaı úkimet qajettigin» málimdedi. Belgili bolǵandaı, premer Latvııa turǵyndaryna kórsetken qoldaýlary úshin alǵysyn aıtyp, keshirim surady. «Menińshe, bul jaǵdaıda parlamenttik kópshiliktiń qoldaýyna jáne senimine ıe jańa úkimet kerek».
Sondaı-aq, Latvııa Premer-Mınıstriniń qyzmetten ketýi avtomatty túrde úkimettiń taralýyna ákelip soqtyratyndyqtan, jaqyn arada elde jańa mınıstrler kabıneti paıda bolatyndyǵyn túsindire ketken.
Budan buryn qurylys salasyn qadaǵalaıtyn Latvııa Ekonomıka mınıstrliginiń memlekettik hatshysy ıÝrıs Pýtse otstavkaǵa ketkeni jóninde málim bolǵan edi.
Sheteldik BAQ-tyń habarlaýynsha, atalǵan eldiń Prezıdenti Andrıs Berzınsh Rıga sýpermarketinde bolǵan apatty oqıǵany "jappaı adam óltirý" dep atady.
Eske sala keteıik, «Maxima» sýpermarketiniń shatyry 21 qarashada jergilikti ýaqyt boıynsha saǵat 18:00 kezinde opyrylyp túsken bolatyn. Dál osy kezde qala ortalyǵyndaǵy dúkenderde adamdar kóptep jınalady.
