Latvııa men Reseı shekarasyna uzyndyǵy 23 shaqyrymdyq qabyrǵa turǵyzyldy
ASTANA. QazAqparat - Latvııa men Reseı shekarasynda uzyndyǵy 23 shaqyrym bolatyn qabyrǵa paıda boldy. Bul týraly Latvııa Memlekettik shekara qyzmetiniń baspasóz hatshysy Evgenııa Poznıak málim etti, dep jazdy RIA Novostı.
Poznıaktyń aıtýynsha, bul bóget zańsyz ımmıgranttardyń ótýine jol bermeý úshin qajet. Dýal turǵyzýdan bólek, 65 shaqyrym bolatyn shekaralyq jolaq jabdyqtaldy.
Bul qurylys 2015 jyly bastalǵan, ony 2019 jyly aıaqtaý josparlanyp otyr. Bıyl shekarany jaılastyrýǵa 6,3 mıllıon eýro bólingen. Bul qarajat 150 shaqyrym shekara jolaǵy men 60 shaqyrym qabyrǵa qurylysyna jumsalady. Tikenekti symdy qosqanda, eń tómengi bıiktigi kem degende 2,7 metr bolady.
