Latvııa qysqy Olımpıada oıyndaryna 58 sportshysyn jibermek
ASTANA. 22 qańtar. QazAqparat - Latvııanyń Ulttyq Olımpıada komıteti Sochıge attanatyn olımpıadashylarynyń tizimin jarııalady.
Latvııa Oıyndarǵa sporttyń 9 túri: bıatlon, bobsleı, taý shańǵysy jáne konkımen syrǵanaý, skeleton, hokkeı, shańǵy jáne shana boıynsha qatysady. El atynan Sochıdegi HHІІ qysqy Olımpıadaǵa barlyǵy 58 sportshy barady. Ol Baltyq elderiniń ishindegi eń úlken komanda bolmaq, dep habarlaıdy ITAR-TASS.
Eldiń Ulttyq Olımpıada komıteti «latvııalyq sportshylar bul Oıyndarda joǵary nátıjelerge qol jetkizip, birneshe medaldi ıelenýden úmittenedi» degen senimde.
Latvııa qurama komandasynyń alǵashqy delegatsııasy kýrortty qalaǵa 24 qańtar kúni attanady. Oıyndardyń ashylý saltanatyna óz sportshylaryna qoldaý kórsetý maqsatynda respýblıka prezıdenti de kelmek. Olımpıadada zor jetistikterge qol jetkizgen sportshylar aqshalaı syılyqtarmen marapattalady. Máselen, altyn medaldi ıelengen sportshyǵa 140 myń evro kóleminde syıaqy berilmek.
