Latvııa eýroǵa oıdaǵydaı ótti
BRıÝSSELЬ. 4 qańtar. QazAqparat - Latvııa 2014 jyldyń 1 qańtarynan bastap, eýrony aınalymǵa oıdaǵydaı engizgen eýroaımaqtyń 18-shi múshesi boldy, dep habarlady Eýrokomıssııanyń baspasóz qyzmeti.
Eýrokomıssııanyń jaqynda ótken saýalnama málimetteri boıynsha, latyshtar latty eýroǵa kósherden eki kún buryn aýystyryp aldy. Bul jańa valıýtaǵa irkilissiz ótýge járdemdesti.
Bankomattar 1 qańtardyń alǵashqy saǵattarynan bastap, banknottardy bere bastady. Saýda termınaldary da dúkenderdegi kartochkalyq tólemderdi eýroǵa 2 qańtarda dúkenderdiń ashylýyna deıin oıdaǵydaı aýdaryp úlgirdi. Kóptegen adamdar eski valıýtadan tezirek qutylý úshin jańa jyldyń ekinshi kúni qolma-qol satyp alýda latty paıdalandy.
Degenmen, 3 qańtardyń ózinde dúkenderdegi tólemderdiń 30 paıyzǵa jýyǵy eýromen júrgizildi. Latvııanyń eýroaımaqqa enýiniń alǵashqy eki aptasy ótpeli kezeń bolyp esepteledi - bul aralyqta latpen de, eýromen de saýda jasaýǵa bolady. Budan keıin lat aınalymnan shyǵarylady.
Latvııanyń tutynýshylar quqyǵyn qorǵaý ortalyǵy 2014 jyldyń alǵashqy kúnderi turǵyndardan eýroǵa kóshýge baılanysty kóptegen shaǵymdar aldy. Eýro engizilgen alǵashqy eki kún ishinde jalpy eýropalyq valıýtaǵa budan buryn kóshken kórshiles memleket - Estonııaǵa qaraǵanda shaǵym úsh ese kóp túsken. Turǵyndar negizinen valıýta aýysqannan keıin baǵanyń óskenin, aýystyrýdaǵy kemshilikterdi jáne basqa da buzýshylyqtardy habarlaýda.
