Latvııa eýroaımaqqa jarty jyldan keıin enedi
ASTANA. 9 shilde. QazAqparat - EO-nyń qarjy mınıstrleri Latvııany eýroaımaqqa enýin 2014 jyldan bastap bekitti. Bul týraly Eýropalyq keńes habarlady, dep jazady RBK.
Osy arqyly atalǵan el eýroaımaqtaǵy 18-shi qatysýshy memleket bolady. Latvııalyq valıýtany eýropalyqqa aıyrbastaýdyń bekitilgen kýrsy - €1-ge 0,702804 lat deńgeıinde qalyptasty. Eýrobanknottar men shaqalar Latvııada 2014 jyldyń 1 qańtarynan bastap aınalymǵa enedi.
Eýrokomıssııa bul el barlyq qajetti talaptarǵa saı bolǵandyqtan eýronyń aımaǵyna 2013 jylǵy maýsymnyń basynda qabyldaýǵa usynǵan bolatyn.
