Latvııa depýtattary mingen avtobýs apatqa ushyrady
ASTANA. QazAqparat - 16 qazanda Polshada latvııalyq depýtattar delegatsııasy mingen avtobýs apatqa ushyrady, dep habarlaıdy TASS.
Oqıǵa Varshavadan 200 shaqyrym qashyqtyqta oryn alǵan. Avtobýsta Latvııanyń Lýdza, Karsava, Zılýpe aımaqtarynyń 12 depýtaty bolǵan. Apat saldarynan 5 adam aýrýhanaǵa jetkizildi. Delegatsııa nemistiń Bodenteıh qalasyna kelisimshart jasasýǵa bara jatqan.
Aldyn ala málimetter boıynsha apattyń oryn alýyna joldyń taıǵaqtyǵy sebep bolǵan. Oqıǵa ornynda qutqarýshylar men polıtsııa jumys jasaýda.
