Latvııa Bıatlon federatsııasynyń prezıdenti jemqorlyqqa qatysy bar degen kúdikpen ustaldy
NUR-SULTAN. QazAqparat – Latvııanyń Bıatlon federatsııasynyń prezıdenti jáne Halyqaralyq bıatlonshylar odaǵy basshysynyń laýazymyna kandıdat Baıba Broka para aldy degen kúdikpen ustaldy, dep habarlaıdy QazAqparat latvııalyq TVNet portalyna silteme jasap.
43 jasar Brokaǵa €20 myń kóleminde para aldy degen kúdik taǵylýda. Qarajat Latvııanyń Bıatlon federatsııasy tarapynan qaıyrymdylyq qarjy retinde tirkelgen.
Broka – Rıga dýmasynyń depýtaty jáne Latvııa ýnıversıteti rektorynyń orynbasary. Joǵary oqý orny ony tergeýge baılanysty mindetterinen bosatty.
