Latvııa Belarýspen shekaradaǵy kúsheıtilgen qorǵaný rejımin taǵy alty aıǵa uzartty
ASTANA. KAZINFORM — Latvııa Belarýspen shekaradaǵy kúsheıtilgen qorǵaý rejımin kelesi jyldyń ortasyna deıin saqtaıdy, dep habarlaıdy Fakti.bg.
Bul sheshim qaýipsizdik maqsatynda jáne shekarany zańsyz kesip ótý áreketteriniń jalǵasýyna baılanysty qabyldanǵan.
Latvııanyń Іshki ister mınıstrligi Rıgada jyl basynan beri avtorıtarlyq basqarýdaǵy kórshiles memleketten zańsyz kirmek bolǵan mıgranttardyń 12 myńnan astam áreketiniń joly kesilgenin málimdedi.
Buǵan deıin birneshe ret uzartylǵan jáne osy jyldyń sońynda aıaqtalýy tıis bolǵan arnaıy reglament aldaǵy jylǵy 30 maýsymǵa deıin kúshinde qalady. Bul Baltyq eliniń shyǵys óńirlerinde shekara qyzmetterine keńeıtilgen ókilettikterdi qoldanýǵa múmkindik beredi.
Sonymen qatar kelesi jyldyń sońyna deıin shekarany baqylaý men qadaǵalaýǵa arnalǵan tehnıkalyq ınfraqurylymmen qosymsha jabdyqtaý josparlanyp otyr.
Eýroodaq pen NATO-ǵa múshe Latvııanyń Belarýspen qurlyqtaǵy shekarasynyń uzyndyǵy shamamen 172 shaqyrymdy quraıdy. Polsha men Lıtva sııaqty, Latvııa da Belarýs prezıdenti Aleksandr Lýkashenkony mıgranttardyń EO-nyń syrtqy shekarasyna baǵyttalǵan qozǵalysyn uıymdastyryp, Batysqa qysym kórsetýge tyrysty dep aıyptaıdy.
Eske sala ketsek, jýyrda Qytaı tájik-aýǵan shekarasyndaǵy baqylaýdy kúsheıtýge shaqyrdy.
