Latvııa 2012 jyly Londonda ótetin Olımpıada oıyndaryna qatyspaýy múmkin
ASTANA. 13 shilde. QazAqparat - Latvııa 2012 jyly Londonda ótetin Olımpıadalyq oıyndarǵa qatysýdan bas tartýy yqtımal, sebebi qarajat qol baılaý bolyp otyr.
Latvııa olımpıadalyq komıtetiniń prezıdenti Aldons Vrýblevskıs LNT telearnasynyń efırinde osyndaı málimdeme jasady, dep habarlaıdy RBK agenttigi.
Onyń aıtýynsha, medal alýǵa múmkindikteri bar 5-10 eń úzdik sportshyny ǵana attandyrý týraly sheshim qabyldanýy múmkin.
«2012 jyldyń bıýdjetin daıyndaý kezinde, úkimet memlekettik kásiporyndarǵa sportqa aqsha bólýge tyıym salý máselesin kóterip otyr. Bul degenimiz, London Olımpıadasyna daıyndyqty qarjylandyrý teń jartyǵa qysqarady degen sóz. Eger laıyqty daıyndala almasaq, onda Londonǵa barýdyń qajeti de joq ekenin biz jaqsy túsinemiz», - deıdi A.Vrýblevskıs.
