Latyn qarpine kóshýge bólingen qarajat bıýdjetke qaıtarylyp jatyr
ASTANA. KAZINFORM — Úkimet úıindegi brıfıngte Ǵylym jáne joǵary bilim mınıstrligi álipbıdi latyn grafıkasyna kóshirý jumystary qalaı júrgizilip jatqanyn aıtty.
Mınıstrlikke qarasty Til saıasaty komıteti tóraǵasynyń orynbasary Elmıra Asan qazaq tili álipbıin latyn grafıkasyna kóshirý máselesi qarastyryp jatqanyn aıtty.
— A. Baıtursynov atyndaǵy Til bilimi ınstıtýtynyń, Shaısultan Shaıahmetov atyndaǵy Til Qazyna ulttyq ǵylymı-praktıkalyq ortalyǵynyń jáne joǵary oqý oryndarynyń jetekshi ǵalym-lıngvısterin tarta otyryp, latyn grafıkasy negizindegi qazaq tili álipbıiniń jobasy men orfografııa erejelerin jetildirý jónindegi jumys júrgizilýde, — dedi komıtet ókili.
Onyń aıtýynsha, qazaq álipbıin latyn grafıkasyna kóshirýdiń kezeń-kezeńmen atqarylatyn jospary latyn grafıkasy negizindegi qazaq tili álipbıi men orfografııa erejeleri qabyldanǵannan keıin ázirlenedi.
Komıtet ókili latyn qarpine kóshýdiń naqty ýaqyty joq ekenin jáne normatıvtik-quqyqtyq aktiler qurylýy qajet ekenin jetkizdi.
— 2020 jyldan bastap osy bólingen qarajat respýblıkalyq bıýdjetke qaıtarylyp jatyr, — dedi E. Asan.
Budan buryn Ǵylym jáne joǵary bilim mınıstri Saıasat Nurbek bul jumys jospar boıynsha, júıeli túrde atqarylyp jatqanyn málim etken edi.
