Lastanǵan kólikterin Astana kóshelerine shyǵarǵan qurylys basshylary jazalanýda
ASTANA. QazAqparat - Búgin Astana qalalyq Іshki ister departamenti jol-tehnıkalyq ınspektsııasy bólimshesiniń qyzmetkerleri ákimshilik quqyqbuzýshylyqtardy anyqtaý maqsatynda jol boıyn tekserýge shyqty, dep habarlaıdy QazAqparat elordalyq medıa ortalyqqa silteme jasap.
Polıtsııa qyzmetkerleriniń atap ótýinshe, qurylys nysandarynan shyqqan avtokólikterdiń laılanǵan dóńgelekterimen jol boıyna shyǵyp, sol arqyly jol ústin lastaýy ákimshilik jaýapkershilikke tartýǵa negiz bolady.
Búgingi kezekti baqylaý barysynda Qorǵaljyn tasjoly boıynda ornalasqan qurylys alańynan shyqqan júk kóligi dóńgelegin jýǵanmen, dóńgelek jýý beketinen qala kóshesine shyǵar aralyqta tıisti tazalyqty saqtamaǵany úshin toqtatyldy.
Osyndaı ákimshilik sıpattaǵy zań buzýshylyqqa jol bergen qurylys obektisiniń basshysy ákimshilik jaýapkershilikke tartylyp, kólik júrgizýshisine eskertý jasaldy.
Jalpy mundaı zań buzýshylyqtar úshin qurylys alańynyn laýazymdy tulǵalary ákimshilik jaýapkershilikke tartylyp, 10 AEK-ten 30 AEK deıin aıyppul salynady. Al kólik júrgizýshilerine salynatyn aıyppul kólemi - 2 AEK.
