Las jerde alkogol ónimderin daıyndaıtyn 37 zańsyz tseh áshkerelendi
ASTANA. 14 maýsym. QazAqparat - 2010 jyldan bastap osy ýaqytqa deıin las jerde alkogol ónimderin daıyndaıtyn 37 zańsyz tsehtyń qyzmeti anyqtaldy.
Bul týraly búgin brıfıng barysynda QR Ekonomıkalyq qylmysqa jáne sybaılas jemqorlyqqa qarsy kúres agenttiginiń resmı ókili Murat Jumanbaı málim etti.
«Zańsyz aınalymǵa shyǵarylatyn alkogoldik ónimniń basym bóligi jasyryn tsehtarda antısanıtarlyq jaǵdaıda jasalady. Atalǵan kezeńde osyndaı 37 zańsyz tsehtiń qyzmeti áshkerelendi», - dedi ol.
Máselen, Almaty oblysynda qarjy polıtsııasymen qazaqstandyq jáne reseılik óndirýshiler atynan alkogoldik ónimderdi zańsyz quıyp satqan astyrtyn tsehtyń qyzmeti toqtatyldy. Atalǵan tseh Qarasaı aýdanyna qarasty Kókózek aýylyndaǵy jeke úıde ornalasqan. Odan 1893 bótelke alkogoldik ónim, qaqpaqshalar, etıketkalar jáne 553 myń esepke alý-baqylaý markalary, oǵan qosa Qytaıda jasalǵan 2 orama apparaty alyndy. «Atalǵan tsehti uıymdastyrýshy Jákebaev 3 jylǵa bas bostandyǵynan shartty túrde aıyrýǵa sottaldy», - dedi resmı ókil.
Sondaı-aq Semeı qalasynda qylmystyq jaýapkershilikke ıÝrev tartylǵan. Ol belgili óndirýshilerdiń atyn jamylyp alkogoldik ónimderdi jasaıtyn tsehtyń zańsyz qyzmetin uıymdastyrǵan. ıÝrevtiń qylmystyq is-áreketi nátıjesinde quqyq ıelenýshiler «BN Vınzavod» JShS, «Bahýs» AQ jáne «Geom» JShS-ine jalpy somasy 5,6 mln. teńge zalal keltirilgen.
