Las-Vegastaǵy qylmyskerdiń úıinen kóp qarý-jaraq tabyldy
ASTANA. QazAqparat - Polıtsııa Las-Vegastaǵy (Nevada shtaty) qandy qyrǵyndy uıymdastyrýshy qylmyskeriniń úıin tintý barysynda 18 dana qarý-jaraq, jarylǵysh zat jáne oq-dáriler tabyldy, dep habarlaıdy TASS.
Bul týraly dúısenbi kúni Las-Vegas sherıfi Djozef Lombardo baspasóz konferentsııasynda málim etti.
«Endi men Nevada shtatyndaǵy Meskıttegi qylmyskerdiń úıin tintýdiń nátıjesi jaıly naqty aqparattar bere alamyn. Tintý barysynda 18 dana dárimen atylatyn qarý, oq-dáriler, jarylǵysh zat jáne elektr qurylǵylary tabyldy. Biz qazir olardy zerttep jatyrmyz», - dedi ol.
Eske sala keteıik, jeksenbi kúni keshkisin Las-Vegastaǵy Mandalay Bay qonaq úı-saýyqtyq kesheniniń mańynda bolǵan kontsertte atys boldy. Polıtsııa málimetterinshe, qonaq úıdiń 32-qabatynan 64 jastaǵy Stıven Peddok oq jaýdyrǵan. Ol tártip saqshylary kelgenshe óz-ózine qol jumsap úlgergen.
