Las-Vegastaǵy atys lańkestikpen baılanysty emes
ASTANA. QazAqparat - AQSh-tyń Federaldy tergeý bıýrosy Las-Vegastaǵy atystyń lańkestikke qatysy emestigin málimdedi. Bul týraly baspasóz konferentsııasynda FTB arnaıy agenti Aaron Roýsı aıtty, dep jazady New York Post.
«Oqıǵany lańkestikpen baılanystyratyn eshqandaı aıǵaq tabylǵan joq, biraq biz aldyn ala eshteńeni joqqa shyǵarmaımyz», - dedi Roýsı. Sondaı-aq ol qanquıly qylmyskerdiń qurbysy Merılý Denlı qamaýda emes ekenin jetkizdi. Degenmen FTB ókili onyń qazirgi turǵan orny týraly aqparat bergen joq.
Eske sala keteıik, 2 qazan kúni túnde Stıven Peddok Las-Vegasta kantrı mýzyka festıvali kezinde qonaqúı kesheniniń 32-qabatynan turyp adamdarǵa oq jaýdyrǵan edi.
