Las-Vegastaǵy atys: Kómek qoryna $3,7 mln qarjy jınaldy
ASTANA. QazAqparat - Las-Vegas qalasyndaǵy (Nevada shtaty) atys qurbandarynyń týystary úshin dúısenbi kúni qurylǵan kómek qory $3,7 mln dollar jınady, dep habarlaıdy TASS.
Bul týraly seısenbi kúni Las-Vegastaǵy baspasóz máslıhatynda 59 adamnyń ómirin jalmaǵan qaıǵyly oqıǵa bolǵan qala ornalasqan Klark okrýgi komıssııasynyń tóraǵasy Stıven Sısolak málim etti.
Onyń sóılegen sózin CNN telearnasy kórsetti. «Sońǵy derek boıynsha, kómek qoryna $3,7 mln túsken, - dep atap ótti ol. - Qarjyny 47 myń adam aýdarǵan».
Onyń aıtýynsha, tólemderdiń biri $500 myń, endi biri - $100 myńdy quraǵan. Jergilikti bılik pen Las-Vegas sherıfi Djozefa Lombardonyń bastamasymen qurylǵan qor $4 mln qarjy jınaýdy josparlap otyr.
Foto: podrobnosti.ua
