Las-Vegasta jol apatynan zardap shekkender sany 37 adam boldy
ASTANA. QazAqparat - AQSh-tyń Las-Vegas qalasyndaǵy «Álem sulýy 2015» baıqaýy ótken «Planet Hollywood» qonaqúıi janynda oryn alǵan jol-kólik apatynan zardap shekkender sany 37-ge jetti. Bul týraly qalalyq polıtsııasy habarlady, dep jazady russian.rt.com.
«Las-Vegasta bolǵan jol-kólik apatynda 37-den astam adam zardap shekti, bir adam qaza tapty, birnesheýiniń jaǵdaıy aýyr. Kóliktiń júrgizýshisi qamaýǵa alyndy», - delingen derek kózinde. Buǵan deıin 33 adam zardap shekkeni habarlanǵan bolatyn.
