Las-Vegasta ótetin boks keshin «KAZsport» telearnasy tikeleı efırde kórsetedi
ASTANA. QazAqparat - Erteń, 13 sáýir Las-Vegasta MGM Grand Garden arenasynda boks keshi ótedi. Bul keshtegi eń basty jekpe-jekte - segiz salmaq boıynsha álemniń eks-chempıony, 35 jastaǵy fılıppındik Mennı Pakıao (65,8 keli) men WBO tujyrymy boıynsha orta salmaqtaǵy Álem chempıony, 30 jastaǵy amerıkalyq Tımotı Bredlı (66 keli) arasyndaǵy kezdesý. Bul boksshylar ekinshi ret judyryqtaspaqshy.
Mańyzdylyǵy jaǵynan ekinshi jekpe-jekte WBA tujyrymy boıynsha jartylaı aýyr salmaqtaǵy Álem chempıony, 31 jastaǵy reseılik Habıb Allahverdıev osy ýaqytqa deıin jeńilmegen 24 jastaǵy amerıkalyq Djessı Vargaspen kezdesedi. Sonymen qatar, bul keshte 2012 jylǵy London Olımpıadasynyń qola júldegeri, ýkraınalyq Aleksandr Gvozdık kásipqoı bokstaǵy alǵashqy jekpe-jegin ótkizedi. Onyń qarsylasy - amerıkalyq Maık Montoııa. Boks keshin «KAZsport» telearnasy tikeleı efırde kórsetedi. Sonymen qatar, www.kazsporttv.kz saıtyna onlaın translıatsııa júrgiziledi. Tikeleı efır jeksenbi, 13 sáýirde, Astana ýaqytymen tańǵy saǵat 07.00-de bastalady. AQSh-tyń Las-Vegas qalasyndaǵy MGM Grand arenasynda ótetin boks keshindegi jekpe-jekterdiń tizimi: 66,7 keli. Mennı Pakıao (55-5-2, 38 KO) - Tımotı Bredlı (31-0, 12 KO). 63,5 keli. Habıb Allahverdıev (19-0, 9 KO) - Djessı Vargas (23-0, 9 KO). 61,2 keli. Raımýndo Beltran (28-6-1, 17 KO) - Arash Ýsmanı (20-1-1, 10 KO). 58,9 keli. Braıan Vaskes (32-1, 17 KO) - kishi Hose Felıks (26-0-1, 21 KO). 79,4 keli. Shon Monagan (20-0, 13 KO) - Djo Makkrıdı (15-6-2, 6 KO). 79,4 keli. Aleksandr Gvozdık (debıýt) - Maık Montoııa (4-2-1, 2 KO).
