Las-Vegasta Golovkınniń jekpe-jegi ótpeıtindigi resmı aıtyldy

ASTANA. QazAqparat - Boxingtalk.com deregine sáıkes, Nevada shtatyndaǵy Atletıkalyq komıssııa (NSAC) Las-Vegastaǵy MGM Grand arenada 5 mamyrǵa josparlanǵan Gennadıı Golovkınniń jekpe-jegi ótpeıtinin málimdedi, dep habarlaıdy Sports.kz.

Endi boksshy 5 mamyr kúni rıngke shyǵyp jatsa, jekpe-jek Los-Andjeles qalasynyń syrtynda ornalasqan Karsone qalashyǵynda, StubHub Center sharshy alańynda ótpek.

Aıta ketsek, buǵan deıin BoxRec.com saıty da GGG kelesi jekpe-jegi  ótetin oryn retinde Karsondy belgilegen edi.

Ázirge Golovkınniń naqty qarsylasy da anyqtalǵan joq. Bolýy múmkin kandıdattar arasynda ırlandııalyq Gerı O Salıvan men ýkraınalyq Sergeı Derevıanchenko bar. AQSh boksshysy Vanes Martırosıannyń kandıdatýrasy bul tizimnen alynyp tastaldy.