Las-Vegasta baǵy janǵan palýandar Rıo-de-Janeırodaǵy Olımpıadaǵa joldama alady
ASTANA. 28 naýryz. QazAqparat - Grek-rım, erkin jáne áıelder kúresinen 2015 jylǵy lıtsenzııalyq álem chempıonaty AQSh-tyń Las-Vegas qalasynda ótetin boldy.
Osy jarysta oza shapqan balýandar 2016 jyly Rıo-de-Janeıroda alaýy tutanatyn Olımpıada oıyndarynda baq synaıdy, dep habarlaıdy «Alaman».
Bastapqy kezde birqatar memleketter baıraqty básekeni qabyldaýǵa usynys bildirgenimen, sońynda tórt úmitker qaldy. Olar - Reseıdiń Sochı, Panamanyń Panama, Irannyń Tehran, Úndistannyń Nıý-Delı jáne AQSh-tyń Las-Vegas qalalary edi. Solardyń arasynan tańdaý sońǵysyna tústi. Onyń sebebi túsinikti. Óıtkeni AQSh-tyń ekonomıkalyq jáne saıası jaǵdaıy turaqty. Amerıkalyqtar qandaı sharýany qolǵa alsa da, dóńgeletip áketetinin san márte dáleldegen. Sondaı-aq atalmysh elde sporttyń bul túrinen buǵan deıin de talaı ret álem chempıonaty ótip, onyń uıymdastyrylý deńgeıin laýazymdy tulǵalardan bastap, qarapaıym kórermenderge deıin asa joǵary baǵalaǵan.
Esterińizge sala keteıik, kúres túrleri boıynsha 2013 jylǵy álem chempıonaty Vengrııanyń astanasy Býdapesht qalasynda ótse, kelesi jylǵy dúnıejúzilik dodanyń jalaýy Ózbekstannyń bas shahary Tashkent qalasynda jelbireıdi.
