Las-Vegasta 200 adam meıramhanadaǵy taǵamnan ýlandy
ASTANA. 11 mamyr. QazAqparat - Amerıkandyq Las-Vegas qalasyndaǵy tanymal meıramhanalardyń birinde keminde 200 adam taǵamnan ýlandy, dep habarlady Rosbaltqa eldiń densaýlyq saqtaý mınıstrligi.
Sáýirdiń sońynda Firefly meıramhanasynan keıin adamdar ýlaný belgilerin baıqady. Sodan beri jergilikti emdeý mekemelerine tamaqtan ýlanýǵa shaǵymdanyp, adamdar kóptep kele bastady. Nevada shtatynyń ońtústigi tarıhyndaǵy alǵashqy ret kóp adamnyń ýlanýyna oraı tekserýlerge baılanysty meıramhana ýaqytsha jabyldy, dep habarlady Internet-BAQ.
Sanıtarlyq sarapshylar adamdardyń jappaı ýlanýy belgili bir buzylǵan azyq-túlik túrine baılanysty emes, dep sanaıdy, óıtkeni ınspektsııa meıramhana ashanasynan jalpy alǵanda 44 túrli buzýshylyqtardy anyqtady, tamaqtardy tıisti temperatýralyq rejımde saqtaý júrgizilmegen, taǵamdardy ázirleýde gıgıenalyq talaptar saqtalmaǵan.
Eske sala keteıik, budan buryn Kopengagendegi eń tańdaýly dep sanalatyn Noma meıramhanasynda aqpan aıynda 60-tan astam klıent ishek aýrýlaryna ushyrap, úlken shý shyqqan bolatyn.
