Las-Vegas sportzalynda atys bolyp, eki adam kóz jumdy

ASTANA. KAZINFORM – AQSh-tyń Nevada shtatyndaǵy Las-Vegas qalasynda sportzalda atys bolyp, eki adam kóz jumdy, mert bolǵandardyń biri shabyldaýshy, dep habarlaıdy Kazinform menshikti tilshisi.

AR málimetterine qaraǵanda, oqıǵa 17 mamyr kúni boldy. Oqıǵa saldarynan keminde taǵy 3 adam jaraqat aldy. Oqıǵa ornyna jetken quqyq qorǵaý organdarynyń ókilderi sportzalǵa kireberiste oqtan jaraqat alǵan er adamdy kórdi.

Las-Vegas qalasy plıtsııasynyń kapıtany Esmeralda Bovedanyń aıtýynsha, kúdikti izin jasyrmaq bolǵan, alaıda polıtsııa qyzmetkerleri oǵan oq atyp, eskertý jasap toqtatqan. Qazirgi tańda oqıǵanyń mán-jaıy anyqtalyp jatyr.

Osyǵan deıin AQSh-ta Federaldy tergeý basqarmasynyń burynǵy basshysynyń jazbasy boıynsha tekserý bastalǵany týraly jazdyq.