Las-Vegas ishinde ózdiginen júretin avtobýs jolaýshy tasymaldaıdy
ASTANA. QazAqparat - Las-Vegas qalasynyń ákimshiligi 11 qańtar kúni qala ortalyǵynda Navya frantsýz kompanııasy jasap shyǵarǵan júrgizýshisiz ózdiginen qozǵalatyn avtobýsty synaqtan ótkizdi. Bul týraly Las Vegas Sun habarlady.
Adam basqarýynsyz qozǵalatyn shattlǵa 10 jolaýshyǵa deıin sııady. Ol saǵatyna 43 shaqyrymdyq jyldamdyqpen júre alady, alaıda qaýipsizdikti qamtamasyz etý maqsatynda ázirge jyldamdyǵyn saǵatyna 19 shaqyrymnan asyrmaýda. Eksperıment 20 qańtarǵa deıin sozylady, avtobýs kún saıyn turaqty túrde qala ortalyǵynan Frımont-strıtke deıin 10-nan 18 saǵatqa deıin qatynaıdy. Synaq ýaqytynda jol aqysy tegin bolady.
«Bizge jyl saıyn 40 mıllıon qonaq keledi, sondyqtan ortalyqtaǵy jol qozǵalysynda keptelis kóp. Biz adamdardyń tıimdi júrýleri úshin uzaq eńbek ettik», - dep málim etti Las-Vegastaǵy qoǵamdastyqty damytý boıynsha atqarýshy dırektory Horhe Servantes.
Eger Arma shattly qaýipsiz bolsa, bılik 2017 jyldyń qyrkúıegine deıin osyndaı avtobýstardyń birnesheýin turaqty shyǵaryp otyrýǵa daıyn. Navya vıtse-prezıdenti Anrı Koronanyń aıtýynsha, qala úshin avtobýstyń aı saıynǵy shyǵyny 10 myń dollar kóleminde bolmaq.
